25 қараша, 2018
Мұнайлы ауданына қарасты Маңғыстау ауылында тұрғын үйлердің біріне жүргізілген дезинфекциядан кейін 5 адам уланып қалды деп.
Олардың екеуі қайтыс болған. Бұл туралы ақпарат Мұнайлы аудандық әкімдігінің Facebook-парақшасында жазылған. Қайғылы оқиға 23 қараша күні болыпты. Алдын ала болжам бойынша, марқұмдар зиянкестерге қарсы себілген дәріден уланып қалған.
"Аудан әкімі Рахат Елтізаров пен оның орынбасары, сондай-ақ, құқық қорғау органдарының өкілдері оқиға орнына барды. Қазіргі таңда үйдің тұрғындары қауіпсіз жерге көшірілді. Мәселе облыс басшыларының бақылауында", - деді Мұнайлы аудандық әкімдігінің баспасөз қызметі.
Зардап шеккендердің бірі кішкентай бала екені де анықталып отыр.
Дереккөз: sn.kz
