TikTok желісінде Жарқын Дариға есімді қолданушы жариялаған бейнежазбада күріш қаптамасының ішіндегі тірі құрттар анық көрінеді. Видео аз уақыт ішінде кеңінен тарап, көпшіліктің талқысына түсті.
Автордың айтуынша, ол бұл супермаркетке алғаш рет келген және мұндай жағдайды алғаш рет көріп, шошып қалған. Бейнежазбада «Айдони» маркалы күріштің мөлдір қаптамасында жыбырлап жүрген ұсақ құрттар нақты байқалады.
— Бұл қандай сұмдық?! Magnum-ға алғаш келіп тұрмын, ал көргенім – осы. Қараңыздаршы, олар шынымен қимылдап жатыр. Шошып кеттім, — дейді видео авторы.
Сонымен қатар, Жарқын бұл күрішті өндіретін компания балаларға арналған ботқалар да шығаратынын айтып, алаңдаушылық білдірді.
