4 желтоқсан, 2018
Астана, BAQ.KZ. Ресейдегі федералды техникалық реттеу және метрология агенттігі биыл шығрылған Lada-ның модельдерінде қателіктер кеткендігін мәлімдеді. Бұл туралы altaynews.kz жазды.
Агенттіктің ақпаратына сәйкес, 2018 жылдың сәуірі мен желтоқсан айларының аралығында құрастырылған Kalina, Granta, Priora модельдерінде қауіпсіздік жастығы (эйрбэг) дұрыс орнатылмаған. Жалпы саны 1 800-ден астам көлікте осындай олқылық бар екендігі мәлім болды.
Компания қазіргі уақытта олқылықты реттеп жатқандарын айтады. Егер көлік егесі көлігіндегі қауіпсіздік жастығының дұрыс қойылмағанына көзі жетсе, көлікті сатқан мекеме тегін жөндеп береді.
Дереккөз: BAQ.KZ
