Қызылорда облысының Қазалы аудандық сотының төрағасы Д. Әбдіқалықов пен судья С. Бертайға қатысты сот үкімі шықты. Екеуі де 9 жылға бас бостандығынан айырылды, деп хабарлайды kznews.kz.
Ұлттық қауіпсіздік комитетінің мәліметінше, үкім 2026 жылғы 18 қыркүйекте шығарылған. Сот оларды Қазақстан Республикасы Қылмыстық кодексінің 366-бабы 3-бөлігінің 2-тармағында және 366-бабы 3-бөлігінің 2, 4-тармақтарында көзделген сыбайлас жемқорлық қылмыстарын жасағаны үшін кінәлі деп таныған.
Тергеу мәліметіне сәйкес, екі судьяны биыл қаңтар айында ірі мөлшерде пара алды деген күдікпен ҰҚК қызметкерлері ұстаған.