Бүгін, 11:30
Спортшы 42,195 шақырымдық қашықтықты 3 сағат 22 минут 20 секундта жүріп өтіп, жарысты бірінші болып аяқтаған. Алайда жарыстан кейін оның аяқ киіміне қатысты қарсыластары тарапынан наразылық білдірілген.
Қазақстандық жеңіл атлет Ясмина Токсанбаева Жапонияда өтіп жатқан 2026 жылғы Азия ойындарында марафондық спорттық жүрістен иеленген алтын медалінен айырылды, деп хабарлайды kznews.kz.
Сайыстан соң спортшының кроссовка үлгісі World Athletics ұйымының талаптарына сәйкес келе ме деген мәселе көтерілген. Ясмина Токсанбаева өз нәтижесін қорғауға тырысқанымен, кейін жүргізілген тексеріс барысында оның жарыс аяқ киіміне қойылатын талаптарды бұзғаны анықталған.
Осыдан кейін Азиада ұйымдастырушылары қазақстандық спортшының нәтижесін жойып, оны жарыстан шеттетті.
Осылайша Қазақстан құрамасы жалпыкомандалық есептегі оныншы алтын медалінен айырылды.
Айта кетейік, бұған дейін Ясмина Токсанбаеваның Азия ойындарында Қазақстан қоржынына алтын жүлде салғаны хабарланған болатын.
