28 қараша, 2018
Аса ауыр салмақта Олимпиада ойындарының жүлдегері Иван Дычко (7-0, 7 КО) рингке келесі жылы ғана шығады. Бұл туралы Vesti.kz тілшісіне оның бапкері Дерек Сантос-Россарио мәлімдеді. Маман бұрын ресейлік Сергей Ковалевті (32-3-1, 28 KO) жаттықтырған.
"Дычконың белгіленген жекпе-жектері өтпей қалғаны өкінішті. Ары қарай жаттығып жатырмыз және кез келген күні жұдырықтасуға дайынбыз. Әзірге менеджреден ешқандай ұсыныс түспеді. Дычко рингке келесі жылы ғана шығады деп ойлаймын", - дейді бапкер.
Айта кетейік, қазақстандық боксшы 24 қараша Холливудта WBA чемпионы ресейлік Дмитрий Бивол (14-0, 11 КО) мен канадалық Жан Паскаль (33 - 5, 20 КО) андеркартында жұдырықтасу керек болатын. Бірнеше күн қалғанда бапкер бұдан бас тартылғанын хабарлады.
27 жастағы Дычко жеті жекпе-жегінің барлығында жеңіске жеткен.
