Қытайдың "Шэньчжоу-20" ғарыш миссиясына қатысып жатқан үш ғарышкер орбитада апатқа ұшырағандықтан, әзірге Жерге орала алмай отыр, деп хабарлайды kznews.kz.
Алдын ала деректерге сүйенсек, ғарыш кемесінің капсуласы ғарыштағы қоқыс бөлшектерімен соқтығысып, зақым алған.
Қазір ғарышкерлер – Чэнь Дун, Чэнь Чжунжуй және Ван Цзе – Қытайдың "Тяньгун" орбиталық станциясында қалып отыр. Мамандар зақымның нақты деңгейін анықтап, көлік жүйесіндегі ақауды жою бағытында жұмыс жүргізуде.
Бұған дейін экипаж ғарышта алты ай бойы ғылыми зерттеулер мен ашық ғарыштағы жұмыстарды орындаған болатын. Енді олар ақау толық жөнделгенге дейін «Тяньгун» станциясында уақытша тұруға мәжбүр.
