10 желтоқсан, 2025
Қазір баланың анасын табу жұмысы жүріп жатыр
Кентау қаласында қоқыс контейнерінен жаңа туған нәрестенің денесі табылуына байланысты қылмыстық іс қозғалды, деп хабарлайды kznews.kz. Түркістан облыстық ПД баспасөз қызметіне сілтеме жасап.
Қазір баланың анасын анықтауға бағытталған жедел-іздестіру шаралары жүргізіліп жатыр.
Полиция қызметкерлері үй-жайларды аралап тексеру жұмысын жүргізуде, бейнебақылау камераларының жазбалары зерттеліп, жақын маңда тұратын тұрғындар мен мүмкін болатын куәгерлерден жауап алынып жатыр. Сондай-ақ медициналық ұйымдар да тексерілуде.
«Тергеу аясында барлық мән-жайды анықтауға бағытталған қажетті тергеу әрекеттері жүргізіліп жатыр. Нәтижесі бойынша тиісті процессуалдық шешім қабылданады», – деп хабарлады полиция департаменті.
Ведомство мәліметінше, тергеу мүддесіне байланысты өзге ақпарат ҚР Қылмыстық-процессуалдық кодексінің 201-бабына сәйкес жария етуге жатпайды.
