Бүгін, 13:19
15-тамызда Алматының Орталық стадионында америкалық рэпер Канье Уэстің концерті өткені белгілі.
Осы мәдени шараға әлемнің елуден астам елінен 31 мың көрермен жиналыпты. Оның ішінде шамамен 7700 шетелдік турист бар.
Алдын ала мәлімет бойынша, шетелдік қонақтардың көп келуі қаладағы қонақүй, көлік, қоғамдық тамақтану және басқа да қызметтерге сұранысты арттырған көрінеді.13–16 тамыз аралығында қаладағы қонақүйлердің орташа жүктемесі 98 пайызға жетті. Нәтижесінде концерт Алматы экономикасына шамамен 5 млрд теңге табыс әкелді.
Айтпақшы, ауа райына байланысты концерт бір күнге кейінге шегерілгенімен, іс-шара жоғары деңгейде ұйымдастырылып, Алматының халықаралық мәдени-туристік орталық ретіндегі тартымдылығын арттырды.
