Бүгін, 16:55
Қазақстандағы Иран Ислам Республикасының Төтенше және өкілетті елшісі Әли Акбар Джоукар Иран қазақтары Қазақстанға көшуге өтініш білдірмегенін айтты, деп хабарлайды kznews.kz.
"Бүгінге дейін этникалық қазақтар ондай өтінішпен билікке жүгінген жоқ. Тек күнделікті мәселелер, мысалы Қазақстан азаматтары Иранға келгілері келсе хабарласқан. Үкімет жан-жақты қолдау көрсетеді. Қазіргі қиын сәтте де, бұған дейінгі болған ауыр кезеңде де қазақ диспорасы Иранмен бірге болған", – деді елші.
28 ақпанда АҚШ пен Израиль Иранға қарсы әскери операция бастады. Әуе шабуылы кезінде Иранның рухани көсемі, аятола Әли Хаменеи қаза тапты. Ресми Тегеран қарымта жауап ретінде Таяу Шығыста орналасқан АҚШ-тың әскери базалары мен Израильді зымыранмен атқылап, дрондармен шабуылдаған. Сол уақыттан бері аймақтағы ахуал ушыққан.
