Бүгін, 11:44
Иран билігі марқұм жоғарғы көшбасшы Әли Хаменеиді жерлеу рәсімін кейінге қалдырды. Мұндай шешім ел аумағына жасалып жатқан америкалық және израильдік соққылардың жалғасуына байланысты қабылданған, деп хабарлайды kznews.kz.
Қоштасу рәсімі Тегеран қаласында өтуі тиіс болған. Хаменеи әуе шабуылы кезінде қаза тапқаны айтылып отыр. Ол 1989 жылдан бері, Рухолла Хомейниден кейін Иранның жоғарғы көшбасшысы қызметін атқарған.
Ел Конституциясына сәйкес, жаңа жоғарғы көшбасшыны Сарапшылар кеңесі сайлайды. Үміткерлер қарастырылып жатқаны айтылғанымен, нақты шешім әлі жарияланған жоқ.
Ал Израиль қорғаныс армиясы Иран аумағындағы нысандарға соққылар жалғасып жатқанын мәлімдеді. Өз кезегінде Иран Израильге және аймақтағы АҚШ әскери базаларына зымырандар мен дрондар жіберген.
Аймақтағы жағдай әлі де шиеленіскен күйінде қалып отыр.
