13 наурыз, 2022
Жексенбіге қараған түні Ирактың солтүстігіндегі Эрбил қаласында жарылыс болды. АҚШ консулдығы маңына бірнеше зымыран құлаған. Бұл туралы ақпаратты Ирактың қауіпсіздік қызметіндегі дереккөзге сүйеніп, "Шафак ньюз" жаңалықтар порталы жариялады, - деп хабарлайды Tengrinews.kz тілшісі РИА Новостиге сілтеме жасап.
"Зымырандар АҚШ консулдығы мен "Күрдістан 24" телестанциясы маңына, Эрбилдегі Салах-эд-Дин деген жерге құлады. Жарылыс нәтижесінде "Күрдістан 24" телеарнасының ғимаратына материалдық залал келтірілді", - делінген хабарламада.
Ирактың Денсаулық сақтау министрлігі мәліметінше, қаза тапқандар жоқ.
