Бүгін, 08:56
Танымал блогер Ырысбала Икрамбай әлеуметтік желіде өзі мен отбасына қатысты жағымсыз жағдайлар болып жатқанын айтып, жұртқа үндеу жасады, деп хабарлайды kznews.kz.
Блогердің айтуынша, қызметкерлері оның дүкенінен шаншылып тұрған ине тауып алған. Сондай-ақ үйінің алдына топырақ шашылғанын айтып, мұны өзіне қарсы жасалған әрекет деп бағалаған.
«Менің магазиніме ине тығып, үйімнің алдына топырақ шашып шаршамадыңдар ма? Мен ауырып шаршадым. Қойыңдар болды. Менің жұмысым жүрмей, мен ауырып жатқаныммен менікін алып сендерге беріп жатқан жоқ қой», – деп жазды Ырысбала Икрамбай.
Ол соңғы уақытта денсаулығының сыр бергенін де атап өтіп, мұндай әрекеттерді тоқтатуға шақырды.
Әзірге блогердің мәлімдемесіне қатысты ресми органдар тарапынан қандай да бір түсініктеме берілген жоқ. Сондай-ақ оның айтқан жайттарының нақты мән-жайы мен шындыққа сәйкестігі туралы ресми ақпарат жарияланбады.
