14 тамыз, 2025
Танымал блогер Ырысбала Икрамбай сіңлісіне көлік сыйлады. Бұл туралы Kznews.kz ақпарат агенттігі хабарлайды.
Желі жұлдызы қуанышты жаңалықты жеке парақшасында бөлісті.
“Менің сіңіліме берекелі көлік болсын. Жолда жаман адамдар жолықпасын. Көлігі бұдан да биіктей берсін. Бірінші жүргізуші куәлігін оқып аласың, содан кейін ғана кілтін береміз. Өзіңе залал келтірсең мейлі. Ал біреудің өміріне залал келтірсең өмір бойы нәлетіне қаласың", – деді блогер.
Алайда желі қолданушылары жаңалыққа қуана қоймады. Қайырымдылықтан жиналған ақша екенін болжап жатыр.
“Ырысбаланы да тексеру керек”, “Халықтың ақшасына қуантып жатыр”, “Перизаттың тағдырын қайталап жүрмесін”, – деп жазды көпшілік.
Көп ұзамай блогердің сіңлісі Балнұр мәлімдеме жасады.
“Жарты суммасын өзім жинадым. Қол мен аяғым сау, жұмыс істейтін шығармыз. 30-40 миллион теңгенің машинасы емес қой, қайдан келген ақша дейтіндей. Сәл диваннан тұрып қимылдасаң сенде де болады”, – деп жауап берді.
