23 қараша, 2018
UFC чемпионы ресейлік Хабиб Нурмагомедов мұсылмандардың қасиетті жерлеріне сапарлатуға көмектескен қазақстандықтарға алғысын айтты, - деп хабарлайды Vesti.kz.
13,3 миллион адам жазылған Instagram-парақшасында файтер жақында ғана оралған Сауд Арабиясынан сурет жариялады.
"Алланың үйі - Қасиетті Мекке мен Мәдинаға баруға көмектескен Қазақстандағы бауырларға рақмет", - деп жазды ол суреттің сипаттамасына. Бұл жазбасына 1,8 миллиондай лайк басылыпты.
Еске салайық, Нурмагомедов соңғы жекпе-жегін 6 қазанда ирландиялық Конор МакГрегорға қарсы өткізіп, төртінші раундта жеңіске жеткен еді. Осылайша ол алғаш рет жеңіл салмақта UFC чемпионын қорғап қалды.
