Қазақстандық боксшы Геннадий Головкин жанкүйерлерін келе жатқан Жаңа жылмен құттықтады, - деп хабарлайды Tengrinews.kz тілшісі.
"2018 жылдағы қолдауларыңыз үшін рақмет. Сіздерге және отбасыларыңызға бақыт, сәттілік пен амандық тілеймін. Жаңа жыл қуаныш әкелсін! Жаңа 2019 жыл құтты болсын!", - деп жазды ол Instagram парақшасында.
Еске салайық, 2018 жылы Головкин екі жекпе-жек өткізді. 6 мамырда өткен кездесуде америкалық қарсыласы Ванес Мартиросянды екінші раундта нокаутқа түсірсе, 16 қыркүйекте өткен рематчта мексикалық Сауль "Канело" Альварестен жеңіліп қалды.
