9 қыркүйек, 2019
Қысқа сілтеме алу
Қазақстандық боксшылар әлем чемпионатына аттанды
НҰР-СҰЛТАН, 9 қыркүйек – Sputnik. Танымал боксшы Геннадий Головкин қазақстандық боксшыларға сәттілік тіледі, деп хабарлайды Sputnik Қазақстан.
Биыл қазақстандық былғары қолғап шеберлері Ресейдің Екатеринбург қаласында өтетін бокстан әлем чемпионатына қатысады. Кәсіпқой боксшы Геннадий Головкин жерлестеріне сәттілік тіледі.
Желаю удачи казахстанским боксерам на чемпионате мира, который стартует в Екатеринбурге. Алға, жігіттер! 🇰🇿💪🏻
— Gennadiy Golovkin (@GGGBoxing) 9 сентября 2019 г.
"Екатеринбургте өтетін әлем чемпионатында қазақстандық боксшыларға сәттілік тілеймін! Алға, жігіттер!", - деп жазды Геннадий Головкин Twitter-дегі жеке парақшасында.
Айта кетейік, қазақстандық боксшылар әлем чемпионатында 10 қыркүйек күні шаршы алаңға шығады. Жеребе тарту рәсімінде олардың бірінші қарсыластары анықталды. 91 келіге дейін Василий Левит – моңғолиялық немесе словакиялық боксшымен жұдырықтасады. Команда капитаны Қамшыбек Қоңқабаев Гадфа Дрисси (Испания) / Петар Белберов (Болгария) кездесуінің жеңімпазымен бокстасады.
Тағы оқыңыз: "Ашығын айтайын..." Данияр Елеусінов Головкинмен арадағы дауға нүкте қойды
Алғашқы болып рингке 75 және 91 келіге дейінгі салмақтағы боксшылар шығады.
sputniknews.kz
