Бүгін, 17:44
Қазақстан ұлттық Олимпиада комитетінің төрағасы Геннадий Головкин 2026 жылғы қысқы Олимпиада чемпионы атанған Михаил Шайдоровты арнайы құттықтап, жас чемпионға ақыл-кеңесін айтты, деп хабарлайды Kznews.kz.
Аңыз боксшы әрі Олимпиада ойындарының күміс жүлдегері жас спортшыға жеңістің салмағы да, оған ілесетін жауапкершілік те барын еске салып, ең бастысы адамдық қасиетті жоғалтпау керектігін айтты.
"Сіз енді Олимпиада отбасының мүшесісіз. Бірақ бұл медальдің де екі жағы бар. Адам болып қала беріңіз. Олимпиада чемпионы болу - үлкен жауапкершілік. Адам болып қалсаңыз, бұл нағыз жетістік. Мен сіздің қазіргі болмысыңызды сақтап қалуыңызды қалаймын. Олимпиада алтыны - сіздің маңдай теріңіз, еңбегіңіз, табандылығыңыздың жемісі. Бірақ медаль сізді тұлға ретінде айқындамайды. Ал өзіңізді тұлға ретінде анықтау үшін сіз өзіңіздің адами қасиеттеріңізді сақтауыңыз керек. Ол барлық есікті аша бермейді", - деді Головкин.
Өз кезегінде Михаил Шайдоров Геннадий Головкинге және министр Ербол Мырзабосыновқа алғыс айтып, қазақстандықтардың қолдауы керісінше жігер бергенін жеткізді.
"Мен барлық қазақстандыққа үлкен алғыс айтқым келеді. Пікірлер өте көп болды, және барлығы маған қысым болады деп ойлады, бірақ керісінше болды. Бұл мені шынымен жігерлендіріп, күш берді. Мен тек күрескім келеді және соңына дейін күрестім", - деді спортшы.
