Бүгін, 09:49
Омар Амантаев сот шешімімен қоғамдық жұмысқа тартылып, Ақтөбеде көше тазалап жүр. Қала әкімдігі мәліметінше, сот қаулысы аудан әкімдігіне жолданып, кейін ол тазалық жұмыстарына жауапты мердігер ұйымға бекітілген, деп хабарлайды kznews.kz.
Компания өкілдерінің айтуынша, әнші Наурыздан кейін жұмысқа кіріскен. Қазір ол 100 сағаттық міндетті қоғамдық жұмыс аясында көшелерді тазалау, аялдамалар мен жаяу жүргіншілер аймақтарын ретке келтірумен айналысып жатыр.
Еске салайық, өткен жылы күзде ол есірткі әсерінде көлік жүргізгені үшін ұсталған. Сот оны 15 тәулікке қамауға алып, 7 жылға жүргізуші куәлігінен айырды. Сонымен қатар заңсыз есірткі қолдану дерегі бойынша іс қозғалып, сотта ол кінәсін мойындаған.
