7 сәуір, 2020
Қазақстанның Тұңғыш президенті қабылданған шаралардың арқасында коронавирус инфекциясының таралу қарқыны төмендетілгенін атап өтті
НҰР-СҰЛТАН, 7 сәуір – Sputnik. Елбасы Нұрсұлтан Назарбаев 8 сәуірде Қазақстан халқына үндеу жасайтынын мәлімдеді.
Нұрсұлтан Назарбаев премьер-министр, Республикалық жедел әрекет ету штабының басшысы Асқар Маминмен кездесті, деп хабарлады Elbasy.kz.
Кездесу барысында Қазақстанның Тұңғыш президенті қабылданған шаралардың арқасында коронавирус инфекциясының таралу қарқыны төмендетілгенін атап өтті.
"Біз бұл қиындықты да жеңеміз. Ең бастысы – халқымыздың бірлігі мен тыныштығы. Үкімет тиімді жұмыс істеп жатыр деп санаймын. Ертең Қазақстан халқына үндеу жасаған мақаламды жариялаймын. Қазір бүкіл әлемге қиын соғып жатыр. Індет өршу шыңына жеткен жоқ. Сондықтан біз бір-бірімізді құрметтей отырып, сабырлылық пен шыдамдылық танытуымыз керек", - деді Елбасы.
sputniknews.kz
