Ерлан Айтаханов Шымкент қаласының әкімі болып тағайындалды

16:56 30.07.2019Қысқа сілтеме алу

0 0 0

Ерлан Айтаханов бұған дейін Түркістан облысы Отырар ауданының әкімі болған

НҰР-СҰЛТАН, 30 шілде — Sputnik. Шымкент қаласының әкімі қызметіне Ерлан Айтаханов тағайындалды, деп хабарлайды жергілікті ERNUR.KZ порталы.

Жаңа әкімді Президент әкімшілігінің басшысы Қырымбек Көшербаев таныстырды. Бұл қызметте ол Ғабидолла Әбдірахымовты алмастырды. Бұған дейін Ерлан Айтаханов Түркістан облысы Отырар ауданы әкімінің қызметін атқарған.

Ерлан Айтаханов туралы не білеміз?

Ерлан Айтаханов 1971 жылы 10 желтоқсанда бұрынғы Шымкент облысы Алғабас ауданында туған.

М.В. Ломоносов атындағы Мәскеу мемлекеттік университеті, Қазақ мемлекеттік заң академиясын тәмамдаған. Экономика ғылымдарының кандидаты.

Қазақ, орыс, ағылшын тілін меңгерген.

Бұрынғы сенатор Қуаныш Айтахановтың баласы.

Үйленген, екі ұлы бар.