Бүгін, 09:20
15 тәулікке арнайы медициналық мекемеге жатқызылған әнші Ерболат Құдайберген өзіне бағытталған сын-пікірлерге жаңа әні арқылы жауап берді, деп хабарлайды kznews.kz.
Өнер иесі сұхбат беріп, артық сөзге бармайтынын, ойын шығармашылығы арқылы жеткізуді жөн көргенін айтты. Ол өзіне шынайы жанашырлық танытқан тыңдармандарына алғыс білдіріп, «Ләтір-ләй» әнін хейтерлер мен өзінің атымен жалған видео таратқан парақша иелеріне арнағанын мәлімдеді.
«Интервьюге шақырып сөз көбейтпей, жауапты өлеңіммен қабыл алыңыздар. Ақ көңілді, шынайы уайымдаған тыңдармандарыма алғысым шексіз.
«Ләтір-ләй» хейтерлер мен көз жетпестен менің атыммен видеоны шығарып отқан парақшалардың иелеріне арнаймын», — деп жазды әнші.
