Ер адам өзіне атылған оқты ұялы телефонымен тоқтатып, аман қалды - Қазақстан жаңалықтары

Аустралия тұрғыны өзіне қарай бағытталған садақтың оғын смартфон арқылы тоқтатып, аман қалды.

Бұл туралы New South Wales Police Force басылымына сілтеме жасап Stan.kz хабарлайды. 

Оқиға 13 наурызда Жаңа Оңтүстік Уэльс штатында орын алған. 43 жастағы ер адам көліктен түсіп бара жатқан кезінде танысының садақпен қаруланғанын көріпті. Ол бірден ұялы телефонын алып, қаскөйді суретке түсіріп алмақ болған. Осы кезде 39 жастағы танысы оған садақтан оқ атыпты. Абырой болғанда садақтың оғы ер адамның телефонына тиіп, тесіп өтіпті. Сондай-ақ, оқ аустралиялықтың иегін аздап қана жанап өткен. 

Артынша оқиға орнына жеткен полицейлер құқық бұзушыны ұстады. Ол 15 сәуірде сот алдында жауап береді.

Stan.kz сайтын Telegram арқылы оқыңыз. Арнамызға жазылыңыз.