22 қараша, 2018
Ақмола облысында 48 жастағы ер адам көлік астына түсіп, мерт болды.
Деп хабарлайды ҚазАқпарат.
Ведомствоның дерегі бойынша, оқиға қарашаның 20-ы күні Целиноград ауданының Софиевка ауылында болған. 48 жастағы тұрғын ВАЗ-2114 көлігін жөндеп жатқан. Сол кезде, көтергіш тайып кетіп, көлік иесі басып қалған.
Ер адам алған дене жарақатынан оқиға орнында көз жұмған.
«Қазіргі кезде полиция аталмыш оқиғаға байланысты тексеріс жүргізуде», - деді Ақмола облыстық ПД баспасөз хатшысы Әсем Әбдрахманова.
