10 желтоқсан, 2018
Еуропа Одағы Донбасстағы сайлауға қатысы бар адамдарға санкция енгізу туралы шешім шығарды.
Брюссельде өткен жиында Ресейдегі және оған жақын аймақтардағы жағдайлар талқыланып, Украина шығысындағы Ресей қолдау көрсететін сепаратистік аймақтарда сайлау өткізгені үшін тоғыз адамды қатаң қаулы тізіміне қосу туралы шешім шығарды. Ал қарашада болған сайлау Минск келісіміне қайшы деп танылды. Санкция тізімінде Донецк пен Луганск өкілдері болуы да мүмкін.
Жиын кезінде Киев пен Мәскеу текетіресі де талқыланды. Осыған дейін АҚШ Ресей әрекетін «агрессиялық саясат» десе, Германия СІМ 2014 жылғы Қырым аннексиясы мен Керчьтегі жағдайды ескере отырып, Ресейге қарсы санкцияны күшейтетінін айтқан. Сондай-ақ Еуропалық Одақ құрамындағы мемлекеттер және НАТО толығымен Украинаға қолдау білдірді.
