Еңбек және халықты әлеуметтік қорғау министрі қызметінен босатылды

Қазақстан Республикасының Еңбек және халықты әлеуметтік қорғау министрі Светлана Жақыпова қызметінен босатылды, деп хабарлайды kznews.kz.

Бұл туралы Ақорда ресми хабарлады. Мемлекет басшысы Қасым-Жомарт Тоқаевтың Жарлығымен Светлана Қабыкенқызы Жақыпова аталған лауазымнан босатылған.

Қазіргі таңда министрдің қызметтен кету себебі туралы қосымша ақпарат жарияланған жоқ.