19 наурыз, 2020
Коронавирус инфекциясы аумақтың көп бөлігінде таралуы кезінде коменданттық сағат енгізетін "С" жоспары қарастырылған. Бұл туралы орталық коммуникациялар қызметінде Нұр-Сұлтан әкімінің орынбасары Бахтияр Макен айтты, деп хабарлайды Stan.kz ақпарат агенттігі.
"С" жоспары" - бұл төтенше жағдай коменданттық сағатқа енген кезде, яғни вирус бүкіл аумаққа таралған кезде", - деді бейсенбідегі брифингте Нұр-Сұлтан әкімінің орынбасары Бахтияр Макен.
"Екіншіден, "С" жоспарымен біз карантиндік, фармацевтикалық және басқа іс-шараларға арналған төсек орындарын барынша молайтуымыз керек. Сондықтан "С" жоспарымен барлық мемлекеттік органдардың режимі күшейтілген кезде бұл өте маңызды", - деп атап өтті.
"Коменданттық сағат әлі жоспарланбаған. Құдай "С" жоспарына жетуден сақтасын, бірақ біз кез-келген жағдайда оған дайын болуымыз керек", - деді ол.
16 наурыздан бастап Қазақстанда коронавирус жағдайына байланысты төтенше жағдай жарияланды. 19 наурыздан бастап Нұр-Сұлтан мен Алматыда карантин енгізілді. Жалпы республикада коронавирус инфекциясының 44 жағдайы тіркелді.
stan.kz
