5 шілде, 2024
ЭКСПО аумағында 6 шілде күні сағат 18:00-де «Open Air» мерекелік концерті өтеді. Салтанатты шара аяқталғаннан кейін дрондар шоуын өткізу жоспарланып отыр.
Дрондар шоуының болжамды уақыты – сағат 22:15-те (22:30). Дрондар шоуы үшін аспанға радиомен басқарылатын 1 250 аппарат ұшырылады, оның 70-і – пиротехникалық дрон. Бұл – дрон симбиозы мен пиротехниканың жаңа технологиясы. Шоу қазақстандық және шетелдік композиторлардың әуенімен үндестіріледі.
Айта кетейік, аталған іс-шара демеушілік қаражат есебінен ұйымдастырылады.
Еске салсақ, бұған дейін Астанада Қазақстан мәдениетінің апталығы өтіп жатқанын жазған едік.
