Экс-депутат Маңғыстау облысы әкімінен балалы болғанын мәлімдеді
Наурызованың айтуынша, ол облыс әкімінен ортақ балалары бар екенін ашық айтып, баланың тегін беріп, әкелік міндетін орындауын сұраған. Алайда ол бұл өтінішке құлақ аспай, керісінше қысым көрсетіп, бақылауға алған көрінеді.
Аталған жағдайға байланысты журналистер облыс әкімдігінен түсініктеме алуға тырысқанымен, ведомство бұл мәселені әкімнің жеке өмірі ретінде бағалап, ресми пікір білдіруден бас тартты.
Бұған дейін де Ынташ Наурызова Нұрдәулет Қилыбайды алимент төлемеді деп айыптаған болатын. Ол кезде әкім бұл айыптауларға нақты жауап бермеген — не растамады, не теріске шығармады.
Қазіргі уақытта аталған мәлімдемеге қатысты қарсы тараптан ешқандай ресми түсініктеме берілген жоқ. Біз таратқан ақпарат ашық дереккөздерден алынған және қоғамда талқыланып жатқан мәліметтерге негізделген. Ақиқаты әзірге белгісіз.
