АСТАНА, 26 ақпан – Sputnik. Елорда биылғы жылдың алғашқы үшемі дүниеге келді. Бұл туралы Астана қаласы әкімдігінің ресми сайты хабарлады.
Нәрестелер № 3 перинаталды орталықта өмірге келген.
"19 ақпанда кесар тілігі арқылы бірнеше минут айырмашылығымен үшем дүниеге келді. Екі ұл мен бір қыздың салмағы 2 149 грамм, 2 290 және 2 020 грамм", - дейді перинаталды орталық дәрігерлері.
Айта кетейік, үшем дүниеге келген отбасы егіздерді тәрбиелеп отыр.