20 қараша, 2018
Димаш Құдайберген Лондонда өзінің алғашқы жеке концертін өткізді, жанкүйерлер таңғажайып көрініске куә болды
Ду қол шапалақ, шаттанған дауыс – Лондон Димаш Құдайбергеннің таңғаларлық дауысын естіді. Қазақ баласының концертіне әлемнің 45 елінің өкілдері жиналды.
Жанкүйерлер сағат 17: 30-дан бастап жиналды, есік алдында ұзын-сонар кезек пайда болды. Концерт басталғанға дейін көрермендер Димаштың атын атап, сахнаға шығуын асыға күтті.
Димаш жанкүйерлерге екі сағаттық шоу сыйлап, барлық әнді жанды дауыста орындады. Кеште ол қаза болған досы Денис Тенге ән арнады.
