16 қараша, 2018
Бүгін мәдениет және спорт министрлігінде Димаш Құдайберген журналистердің алдында жанды дауыспен ән шырқады
Бүгін мәдениет және спорт министрі Арыстанбек Мұхамедиұлы қазақстандық әнші Димаш Құдайбергенмен кездесті. Кездесу барысында жас жұлдыздың 19 қарашада Лондонда беретін жеке концертіне дайындық барысы талқыланды. Журналистердің бірі әншіден жанды дауыста ән орындап беруді өтінді. Димаш та өтінішті жерге тастамады. Әнші "Туған күн кешінде" әнін шырқады.
Димаш Құдайбергеннің Лондондағы жеке концерті Қазақстанның Ұлыбританиядағы мәдениет күндері аясында өтеді. Әнші шет ел сахнасында 30-ға жуық ән орындалатынын айтты. Олардың арасында қазақтың халық әндері де бар.
Димаштың өнеріне қырғыздың халық әртісі тәнті болды
Мәдениет министрінің айтуынша, концерттің билеттерін сатудан түскен ақшаның бір бөлігі Данэлия Төлешованың "Балалар Евровидениесіне" қатысуға кететін шығындарын төлеуге жұмсалады.
Димаш Құдайберген Қазақстанда сұраққа қазақша жауап беретінін айтты
