Қазақстанның Денсаулық сақтау министрлігі әлеуметтік маңызы бар аурулардың жаңартылған тізімін бекітті. Жаңартуларға сәйкес, тізімнен қант диабеті, ДЦП, ревматизм және аутоиммундық дәнекер тін аурулары алынып тасталды. Оның орнына инсульттен кейінгі алғашқы жыл және эпилепсия енгізілді, деп хабарлайды kznews.kz.
Ал туберкулез, ВИЧ, созылмалы вирусты гепатит, бауыр циррозы, онкологиялық және психикалық аурулар, миокард инфаркті, сирек аурулар мен жүйке жүйесінің бірқатар диагноздары бұрынғысынша әлеуметтік маңызы бар санатқа кіреді.
Жаңартылған тізім 2026 жылдың 1 қаңтарынан бастап қолданысқа енеді.
Айта кетсек, әлеуметтік маңызы бар аурулар бойынша науқастар дәрі-дәрмек пен медициналық қызметтерді мемлекет есебінен тегін алады. 2027 жылға қарай министрлік қаржыландыруды сақтандыруға негізделген жаңа үлгіге көшіруді жоспарлап отыр.