Министрдің айтуынша, өңірлік билік органдары ана мен баланың денсаулығын қорғауға бағытталған шараларды нақты жүзеге асыруға жауапты болуы тиіс. Оның ішінде контрацептивтерді тегін беру, жүкті әйелдер мен балаларды облыстық орталықтарға тасымалдау, медициналық мекемелерді жабдықтау және мамандардың біліктілігін арттыру мәселелері бар.
«Осы мәселелер бойынша жергілікті атқарушы органдар жергілікті бюджет есебінен қаржы қарастыруы қажет. Бұл – медицина ұйымдарының материалдық-техникалық базасын жақсарту, көлікпен қамтамасыз ету, кадрлық әлеуетті арттыру және әлеуметтік осал топтағы әйелдерді контрацепция құралдарымен қамту үшін маңызды», – деді Ақмарал Әлназарова.
