Еліміз басқарудың жаңа жүйесіне ауысатын болды. Нұрсұлтан Назарбаев билікті бөлу жайын қайта қарауды тапсырып, осы шаруаны іске асыру үшін жұмыс тобын құруға пәрмен берді.
Оны президент әкімшілігінің жетекшісі Әділбек Жақсыбеков басқармақ. Сондай-ақ жұмыс тобының құрамына Парламент, Үкімет пен Жоғарғы соттың өкілдері кіреді. Олар билік жүйесінің құзіретін қайта қарап шығуы тиіс.
Кейін қажет болса, өзгерістер енгізіп, еліміз басқарудың жаңа жүйесіне ауысады. Яғни президент, билігінің біраз бөлігін Үкімет пен Парламентке теңдей бөліп беруі мүмкін.