Әлеуметтік желіде екі жолаушының ұшақ ортасында төбелескен сәті тарап, көпшіліктің назарын аударды, деп хабарлайды kznews.kz.
The Sun басылымының хабарлауынша, оқиға Нигериядағы Асаба әуежайынан ұшуға дайындалған United Nigeria Airlines әуе компаниясының UN0523 рейсінде болған.
Желіде тараған видеода екі адамның салон ішінде жұдырықтасып жатқаны анық көрінеді. Көпшілік оларды жергілікті инфлюенсер Matins Otse (лақап аты Very Dark Man – VDM) және комик Freedom Atsepoyi екенін бірден танып қойған.
Әуе қызметкерлері жағдайға дереу араласып, екі жолаушыны да борттан түсіріп, әуежайдың қауіпсіздік қызметіне тапсырған. Одан кейін ұшақ жоспарланған рейсін жалғастырған.
Төбелестің нақты неден басталғаны туралы әзірге ресми ақпарат жоқ.
