Қажетті заттар:
- кез-келген тартылған ет – 400 г;
- жұмыртқа – 5 дана ( + тартылған етке қосу үшін 1 жұмыртқаның ақуызы)
- майонез – 1-3 ас қасық;
- кетчуп – 1 ас қасық;
- сарымсақ – 1-2 тісше;
- өсімдік майы (қуыру үшін) – 3-4 ас қасық;
- тұз, бұрыш – талғамыңыз бойынша.
Дайындалуы:
- Тартылған етті тұздап, бұрыш қосып аламыз. Оған жұмыртқаның ақуызын қосып, жақсылап араластырамыз.
- Еттің бірдей 5 бөлікке бөлеміз де, дөңгелектеп қоямыз.
- Тегіс жерге тағамдық үлдірді жайып, бетіне тартылған еттің бір бөлігін қоямыз. Оны алақанымызбен басып, артынша диаметрі шамамен 15 см болатындай етіп жаямыз.
- Бір жұмыртқаны жарып, ыдысқа салып аламыз. Оны шанышқымен шайқап, бір шымшым тұз қосамыз. Жұмыртқаны жалпақ, домалақ тәрелкеге ұйып аламыз.
- Жайылған ет тұрған үлдірді алып, етті жұмыртқа қоспасына саламыз.
- Мұнан кейін ет пен жұмыртқа қоспасын қызып тұрған табаға саламыз. Бұл кезде жұмыртқа мен еттің бірге сырғып түсуін қадағалау қажет.
- Ендігі етті 3-4 минут баяу отта қуырамыз. Артынша оны екінші жағына аударамыз да, отта тағы да 3-4 минут ұстаймыз. Осылайша 5 бризольді де қуырып аламыз.
- Ендігі сарымсақты ұсақтап, майонезбен араластырамыз. Оны дайын болған бризольдерге жағып, бетіне аздап кетчуп құямыз.
- Ыстық бризольді көкөністермен бірге ұсынуға болады.
Астарыңыз дәмді болсын!