Министрдің айтуынша, келесі жылдан бастап бағдарлама аясында «қосдипломды» жобалар іске қосылады.
Біз халықаралық серіктестері бар университеттерді PhD және магистратура бойынша бірлескен ғылыми бағдарламалар ашуға ынталандырып жатырмыз. Мәселен, Назарбаев университетінде алғашқы split бағдарлама қолға алынды. Олар Лондондағы әйгілі SOAS зерттеу университетімен екі жылдық магистратураны іске қосты. Бір жыл – Лондонда, бір жыл – Қазақстанда өтеді. Екінші бөлімді «Болашақ» есебінен қаржыландырамыз. Сондықтан стипендия санын қысқартамыз, есесіне көбірек студент осындай серіктестіктер арқылы білім алуға мүмкіндік алады, – деді Саясат Нұрбек.
