Боксшы жекпе-жекте қарсыласын емес, төрешіні нокаутқа түсірді

11:11 23.10.2019(Жаңартылды 11:12 23.10.2019) Қысқа сілтеме алу

3 0 0

Төреші төбелесіп жатқан спортшыларды ажыратпақ болғанда, басынан соққы алып құлайды. Жекпе-жекті тоқтатуға тура келген

НҰР-СҰЛТАН, 23 қазан — Sputnik. Жапонияда бирмалық бокстан өткен Lethwei 14 in Japan турнирінде спортшы төрешіні нокаутқа жіберді. Видео Twitter желісінде жарияланды.

Жекпе-жектің жетінші секундында төреші жұдырықтасып жатқан боксшыларды ажыратпақ болғанда, басынан ауыр соққы алып, тәлтіректеп барып құлайды.

Жекпе-жекті тоқтата тұруға тура келді, өйткені төреші біраз уақытқа дейін өз-өзіне келе алмаған.

Бирмалық бокстың ерекшелігі – қолғаптың орнына дәке орайды, сондай-ақ баспен ұруға рұқсат етіледі.