Бүгін, 09:03
Белгілі әнші Қарақат Әбілдина тұңғышы Бекболат Болмановтың қашан үйленетіні туралы пікір білдірді, деп хабарлайды kznews.kz.
Өнер иесі "1001 түн" бағдарламасында жұбайы Қыдырәлі Болмановпен бірге қонақ болып, бұл тақырыпқа қатысты ойымен бөлісті.
Бағдарлама барысында көрсетілген естелік видеоны көрген әнші өткен күндерді сағынышпен еске алып, әсерін жасырмады.
"Естелік видеоны көріп, жылағым келді. Жастық шақ бәрібір ыстық. Бейнежазбадағы ұлым қазір отау құратын жаста", – деді ол.
Сондай-ақ Қарақат Әбілдина ұлының жеке өміріне қатысты шешім өзіне байланысты екенін атап өтті.
"Бұл сұрақты Бекболаттың өзіне қою керек. Біз дайынбыз. Жүрек әмір еткен кезде той болады", – деді әнші.
Өнер иесі отбасы бұл қуанышты сәтке дайын екенін айтып, бәрі өз уақытымен болатынын жеткізді.
