Бестеректегі жол апаты: зардап шеккен екі бала ауруханадан шығарылды: 5 қыркүйек 2025

Абай облысы Үржар ауданының Бестерек ауылында болған жол-көлік оқиғасынан зардап шеккен үш баланың екеуі ауруханадан үйлеріне шығарылды. Бұл туралы Астана қалалық №2 Көпбейінді қалалық балалар ауруханасының баспасөз қызметіне сілтеме жасаған Kznews.kz хабарлайды.

Естеріңізге сала кетейік, жол-көлік оқиғасынан жарақат алған үш баланың екеуі 20 тамызда Үржар аудандық ауруханасынан санитариялық авиация бортымен Астанадағы №2 Көп бейінді қалалық балалар ауруханасына жеткізілген болатын.

Балалар ауруханасының баспасөз қызметінің мәліметінше, дәрігерлер зардап шеккен балаларға күрделі операциялар жасап, толыққанды ем жүргізген. Нәтижесінде 4 қыркүйекте балалар үйіне шығарылған.

"Дәрігерлердің кәсібилігінің арқасында балалардың өмірін аман алып қалу мүмкін болды. Ата-аналары балаларының қайтадан күлімдеп жүргенін көріп, дәрігерлерге шын жүректен алғысын айтты.

Ең бастысы – олардың өміріне ешқандай қауіп жоқ. Алдағы уақытта оңалтулары жеңіл өтіп, тек денсаулық пен бақытты балалық шақ тілейміз", - делінген Астана қалалық №2 Көпбейіндіқалалық балалар ауруханасы таратқан хабарламада.

Айта кетелік, қазір ауруханада жол апатынан зардап шеккен 2015 жылы туған бала қалып отыр. Ол аудандық ауруханадан Семей медицина университеті госпиталінің балалар бөлімшесіне жеткізілген болатын.

Абай облысының денсаулық сақтау басқармасының мәліметінше, баланың жағдайы әлі ауыр, ол комада жатыр. Ведомство өкілдерінің хабарлауынша, оған барлық қажетті емдік-диагностикалық шаралар жүргізіліп жатыр

Ұқсас материалдар

«Тұншықтырып, зорламақ болған»: Алматыда массаж салонындағы сұмдық оқиға туралы ақпарат тарады

4,5 миллиард теңге залал: Грузия Қазақстанға күдіктіні қайтарды

Депозиттерге салық салынады деген рас па?

Қазақмыс еңбек жағдайын жақсартуда: «Анненск» шахтасында ӘТК-ні жөндеу жұмысы аяқталды