Бүгін, 14:21
Батыс Қазақстан облысында қызметтік міндетін атқару кезінде болған жол-көлік оқиғасынан екі полиция қызметкері көз жұмды, деп хабарлайды kznews.kz.
Облыстық полиция департаментінің мәліметінше, қайғылы оқиға 3 шілде күні Тасқала ауданында болған.
«Қызметтік міндетін атқару барысында Тасқала аудандық полиция бөлімінің екі қызметкері көз жұмды. Аталған жол апаты бойынша сотқа дейінгі тергеу басталды», – деп хабарлады ведомство.
Қазіргі уақытта оқиғаның барлық мән-жайын анықтау үшін қажетті тергеу және жедел-іздестіру шаралары жүргізіліп жатыр. Жол апатының нақты себептері тергеу барысында белгілі болады.
