Антальядан Екатеринбургке ұшып бара жатқан «Аэрофлот» ұшағы жолаушының жағдайы нашарлағандықтан Атырауға шұғыл қонды, деп хабарлайды kznews.kz.
Halyqstan мәліметінше, SU793 рейсін Airbus A320 ұшағы орындаған.
Ұшу кезінде ер адамның жағдайы күрт нашарлап, ол есінен танып қалған. Бортсерік оның тамыры соқпай тұрғанын байқап, бірден жүрек-өкпе реанимациясын жасаған.
Ұшақ Атырауға қонған соң медицина қызметкерлері көмек көрсетуге тырысқан. Алайда жолаушыны құтқару мүмкін болмады.
Кейін ұшақ жолаушының денесін алып, Екатеринбургке қарай ұшып кеткен.