Бүгін, 18:35
Атырауда Наурыз кезінде Исатай мен Махамбет алаңында 78 бала ата-анасынан адасып қалған. Полиция олардың барлығын тауып, отбасына қайтарды, деп хабарлайды kznews.kz.
Құқық қорғау органдарының мәліметінше, балалардың көбі Наурызда алғашқы сағатта табылған, тек бір жасөспірімді іздеуге үш сағаттай уақыт кеткен. Әсіресе 7 жастағы баланың жағдайы алаңдатқан: ол анасын таба алмай, өзі жұмыс орнына іздеп бармақ болған.
Бейнебақылау арқылы оның бағыты анықталып, дер кезінде табылып, анасына тапсырылды. Полиция мұндай жағдайларды болдырмау үшін көпшілік орындарда балаларды қараусыз қалдырмауға шақырды.
