Бүгін, 10:10
Атырау облысы Жангелдин ауданында болған қайғылы отбасы оқиғасына байланысты тың мәліметтер жария болды, деп хабарлайды kznews.kz.
КТК телеарнасының журналисі Жанат Молдашева оқиға орын алған үйден табылған екінші кілтке қатысты мән-жайды анықтау үшін Атырау облысы прокурорының көмекшісі Жандар Болатбек пікіріне жүгінген.
Прокуратура өкілінің айтуынша, қазіргі таңда тек кілтке қатысты емес, өзге адамдардың қатысы бар-жоғы жөнінде де сұрақтар қарастырылып жатыр. Алайда жүргізілген алдын ала тексеру барысында Сәрсемалиевтен басқа күдікті тұлғалардың қатысы анықталмаған.
Сонымен қатар, бұл дерек бойынша қосымша тексеру тағайындалып, табылған екінші кілттің шығу тегі толық зерттеліп жатқаны белгілі болды. Құзырлы органдар аталған мәселеге құқықтық баға беретінін мәлімдеді.
