8 сәуір, 2020
Атырау облысында COVID-19 коронавирус жұқтырған 4 адам тіркелді, деп хабарлайды Stan.kz ақпарат агенттігі coronavirus2020.kz сілтеме жасап.
Науқастардың бәрі вирус жұқтырғандармен тығыз қарым-қатынаста болған.
Коронавирусты жаңадан жұқтырғандар Атырау қаласында - 3 адам, Жылыой ауданында - 1 адам анықталды. Аталған азаматтардың барлығынан зертханалық сынамалар алынып, диагноз нақтыланды.
Қазіргі таңда науқастардың жағдайы қанағаттанарлық деп бағаланады. Бекітілген хаттамаға сәйкес тиісті ем жүргізіліп жатыр.
Сондай-ақ, олармен қарым-қатынаста болған адамдар анықталып, барлығы медициналық бақылауға алынып жатыр.
Ауру ошақтарында эпидзерттеу жұмыстары, дезинфекциялық жұмыстар жүргізілуде. 7 сәуірдегі мәлімет бойынша аймақта COVID-19 коронавирус жұқтырған 36 адам анықталды.
stan.kz
