Бүгін, 17:07
Астанада Қорғалжын тасжолы бойындағы №100 мектепке жақын орналасқан құрылыс алаңында мұнаралы кран құлап, қайғылы жағдай болды. Оқиға салдарынан бір адам қаза тауып, тағы екі адам жарақат алған, деп хабарлайды kznews.kz.
Алдын ала мәлімет бойынша, зардап шеккендердің бірінің жағдайы ауыр. Екінші жараланған азаматқа дәрігерлер медициналық көмек көрсетіп жатыр.
Құлаған кранның астында қалған қаза тапқан адамның денесі полиция қызметкерлеріне тапсырылған.
Қазіргі уақытта оқиға орнында тиісті қызметтер жұмыс істеп, кранның құлау себептерін анықтап жатыр. Апаттың барлық мән-жайы тексеру нәтижесінде белгілі болады.
