8 қараша, 2018
Астана полицейлері Республика даңғылының бойында орналасқан халыққа қызмет көрсету орталығын қоршауға алды, - деп хабарлайды Tengrinews.kz тілшісі.
Ғимаратқа кіре алмағандар сыртында жиналып қалды.
"Қауіпсіздік қызметі иесіз сөмкені тапқан. Күзетші дереу (13:55-те) полицияға хабарласқан. Қауіпсіздік шаралары үшін ғимарат аумағы қоршауға алынып, ХҚКО қызметкерлері мен келушілері эвакуацияланды. Тексеру барысында қауіпті ештеңе табылмады", - деді Астана полиция департаменті баспасөз қызметінің жетекшісі Софья Қылышбекова.
Оның айтуынша, полицейлер қоршауды алып тастаған. Әзірше сөмке иесі табылмаған.
Нақтыланған мәлімет бойынша, ХҚКО штат тәртібінде жұмыс істеп жатыр.
