7 тамыз, 2025
Астана қалалық Полиция департаменті бұл ақпаратты растап, қылмыстық іс материалдары жүргізушінің кінәсін дәлелдегенін мәлімдеді.
«Жол қозғалысы ережелерін бұзу салдарынан жәбірленушіге ауыр дене жарақаты келтірілгені анықталды. Қылмыстық істі тергеу барысында барлық сараптама нәтижелері жүргізушінің кінәсін нақты көрсетті», – делінген ведомство хабарламасында.
Алайда, кінәлі жүргізуші Қазақстан Республикасының “Рақымшылық туралы” заңы аясында қылмыстық қудалауды тоқтату туралы өтініш берген. Осыған байланысты қылмыстық іс тоқтатылған.
Полиция департаментінің мәліметінше, жүргізуші жазадан босатылғанымен, қылмыстық жауапкершілікке тартылған тұлға ретінде есептеледі.
Сонымен қатар, Астана қаласының әкімдігіне құқық бұзушылыққа ықпал еткен себептер мен жағдайларды жою туралы ұсыныс жолданған.
Қоғамда үлкен резонанс тудырған бұл іс жұрт арасында наразылық тудырып отыр. Қоғам белсенділері мен жәбірленуші тарап әділдікке қол жеткізу үшін күресті жалғастыруға бекінген.
