21 қаңтар, 2019
«Астана» футбол клубы қазір қаржылық қиындық алдында тұр.
Prosports.kz-ке белгілі болғандай, елордалық клуб өз ойыншыларына жалақыларды әлі толық бермеген.
Естеріңізге салсақ, бас бапкердің көмекшісі Григорий Бабаян былтырғы жылдың соңында ойыншыларға бірнеше айдан бері сыйақылардың берілмей келе жатқанын айтқан болатын.
Айта кетейік, былтырғы маусым біткен соң командадан бірқатар ойыншылар кетіп қалған болатын. Сонымен қатар, клубтың президенті Саят Хамитжанов пен атқарушы директоры Қайсар Бекенов те өз қызметтерінен кетті.
Қазір елордалық клубтың ойыншылары Дубайда жиын өткізіп жатыр.
prosports.kz
